Kalam e Bulleh Shah
Bansi Kahan Achraj Bajaii
Bansi walia chaka ranjha
Tera sur he sabh naal sanjha
Terian mojaan sada manjha
Sadi sur tain aap malaii
Bansi kahan achraj bajaii
Bansi walia kahan kahawin
Shubd anik anop sunawin
Akhian de wich nazar na aawin
Kaisi bikhri khail rachaii
Bansi kahan achraj bajaii
Bansi sabh koii sunne sunawe
Arth es ka koii warla pawe
Jo koii anhad ki sur pawe
So es bansi ka sodaii
Bansi kahan achraj bajaii
Sunian bansi dian ghangoran
Kokan tan mann wangon moraan
Dithian es dian toraan joraan
Ek sur di sabh kala athaii
Bansi kahan achraj bajaii
Es bansi da lmma likha
Jis ne Dhonda tis ne dikha
Sadi es bansi di rikha
Es wajudon sifat uthaii
Bansi kahan achraj bajaii
Es bansi de panj sat tare
Aap apni so bhar de sare
Ek sur sabh de wich dam mare
Sadi es ne hosh bhulaii
Bansi kahan achraj bajaii
Bullah puj paye takrar
Bohe aan khilote yaar
Rakhin kalme naal biopaar
Teri hazrat bhare gawahi
Bansi kahan achraj bajaii
Shahmukhi
بنسی والیا چاکا رانجھا
تیرا سُر ہے سبھ نال سانجھا
تیریاں موجاں ساڈا مانجھا
ساڈی سُر تیں آپ ملائی
بنسی کاہن اچرج بجائی
بنسی والیا کاہن کہاویں
شبد انیک انوپ سناویں
اکھیاںدے وچ نظر نہ آویں
کیسی بکھری کھیل رچائی
بنسی کاہن اپرج بجائی
بنسی سبھ کوئی سُنے سناوے
ارتھ اس کا کوئی ورلا پا وے
جو کوئی انہد کی سُر پاوے
سو اِس بنسی کا سودائی
بنسی کاہن اچرج بجائی
سنیاں بنسی دیاں گھنگوراں
کوکاں تن من وانگوں موراں
ڈٹھیاں اس دیاں توڑاں جوڑاں
اک سُر دی سبھ کلا اٹھائی
بنسی کاہن اچرج بجائی
اس بنسی دا لما لیکھا
جس نے ڈھونڈا تِس نے دیکھا
سادی اس بنسی دی ریکھا
ایس وجودوں صفت اُٹھائی
بنسی کاہن اچرج بجائی
اس بنسی دے پنج ست تارے
آپ اپنی سُر بھر دے سارے
اک سُر سبھ دے وچ دم مارے
ساڈی اس نے ہوش بھلائی
بنسی کاہن اچرج بجائی
بلھا پُج پئے تکرار
بوہے آن کھلوتے یار
رکھیں کلمے نال بیو ہار
تیری حضرت بھرے گواہی
بنسی کاہن اچرج بجائی