Kalam e Bulleh Shah
Bharosa Keh Ashnaii Da
Ibrahim chikha wich payo
Suliman too bhuth jhokayo
Younas machi toon naglayo
Phar yousaf misr wakaii da
Bharosa keh ashnaii da
Dar lagda beparwaii da
Zikriya sar kalotar chalayo
Sabar tan kere payo
Sanaan gal zunaar pawayo
Kitte ulta hosh luhaida
Bharosa keh ashnaii da
Dar lagda beparwaii da
Ja zikriya rukh chupaya
Chupna os da bura manaya
Aara sir te cha wagaya
Sune rukh charaida
Bharosa keh ashnaii da
Dar lagda beparwaii da
Yayia os da yaar kohaya
Naal osse de nionh lagaya
Rah shara da un batlaya
Sirr os da thaal tikaida
Bharosa keh ashnaii da
Dar lagda beparwaii da
Bullah shoh hun shaih snbhate hain
Har soorat naal pichate hain
Kitte aate hain kitte jate hain
Hun mithon bhul na jaida
Bharosa keh ashnaii da
Dar lagda beparwaii da
Shahmukhi
ابراہیم چخا وچ پایو
سلیمان توں بھٹھ جھوکایو
یونس مچھی توں نگلایو
پھڑ یوسف مصر وکائی دا
بھروسہ کیہ اشنائی دا
ڈر لگدا بے پروائی دا
زکریا سر کلوتر چلایو
صابر تن کیڑے پایو
صنعاں گل زنار پوایو
کِتے اُلٹا پوش لُہائیدا
بھروسہ کیہ اشنائی دا
ڈر لگدا بے پروائی دا
جا زکریا رُکھ چھپایا
چھپنا اُس دا بُرا منایا
آرا سر تے چا وگایا
سنے رُکھ چرائیدا
بھروسہ کیہ اشنائی دا
ڈر لگدا بے پروائی دا
یحیی اس دا یار کوہایا
نال اوسے دے نیونہہ لگایا
راہ شرع دا اُن بتلایا
سِر اس دا تھال ٹکائیدا
بھروسہ کیہ اشنائی دا
ڈر لگدا بے پروائی دا
بلھا شوہ ہُن صحیح سنبھاتے ہیں
ہر صورت نال پچھاتے ہیں
کِتے آتے ہیں کِتے جاتے ہیں
ہُن میتھوں بُھل نہ جائیدا
بھروسہ کیہ اشنائی دا
ڈر لگدا بے پروائی دا