Bullah Keh Janaa Main Kon

Kalam e Bulleh Shah« Previous | Main Page | Next »

Bullah keh janaa main kon

Na main momin wich maseet aan
Na main wich kufr dian rit aan
Na main pakan wich paleet aan
Na main moosa na main firon

Bullah keh janaa main kon

Na main ander baid kitabaan
Na main bhangaan, na main sharabaan
Na main randaa mast kharabaan
Na wich jagan, na sowan

Bullah keh janaa main kon

Na main shadi na ghamnaki
Na main wich paleti paki
Na main aabi na main khaki
Na main aatish na main poon

Bullah keh janaa main kon

Na main arbi, Na lahori
Na main hindi shehr nagori
Na hindu na turk pashori
Na main rehnda wich nadon

Bullah keh janaa main kon

Na main bhait mazhab da paya
Na main aadam hawwa jaya
Na main apna naam dharaya
Na main baithan, na wich bhon

Bullah keh janaa main kon

awal aakhir aap noo janaa
na koii duja hor pichanaa
methon hor na koii siyana
Bullah oh khara he kon

Bullah keh janaa main kon

بلھا کیہ جاناں میں کون

نہ میں مومن وچ مسیت آں
نہ میں وچ کفر دی ریت آں
نہ میں پاکاں وچ پلیت آں
نہ میں موسی نہ فرعون

بلھا کیہ جاناں میں کون

نہ میں اندر بید کتاباں
نہ وچ بھنگاں،نہ شراباں
نہ وچ رنداں مست خراباں
نہ وچ جاگن ، نہ سون

بلھا کیہ جاناں میں کون

نہ وچ شادی نہ غمناکی
نہ میں وچ پلیتی پاکی
نہ میں آبی نہ میں خاکی
نہ میں آتش نہ میں پَون

بلھا کیہ جاناں میں کون

نہ میں عربی ، نہ لاہوری
نہ میں ہندی شہر نگوری
نہ ہندو نہ ترک پشوری
نہ میں رہندا وچ ندون

بلھا کیہ جاناں میں کون

نہ میں بھیت مذہب دا پایا
نہ میں آدم حوا جایا
نہ میں اپنا نام دھرایا
نہ وچ بیٹھن ، نہ وچ بھون

بلھا کیہ جاناں میں کون

اول آخر آپ نوں جاناں
نہ کوئی دوجا ہور پچھاناں
میتھوں ہور نہ کوئی سیانا
اوہ کھڑا ہے کون ! بُلھا

بلھا کیہ جاناں میں کون