Custom Search
Kalam e Bulleh Shah« Previous | Main Page | Next »
Chalo Wekhiye Os Mastanre Noon
Chalo wekhiye os mastanre noon
Jehdi taranjnan de wich pai ay dhum
Oh te mae wahdat wich rangda ay
Nahin puchda zaat de keh ho tum
Jehda shor chophere painda ay
Oh kol tere nat rehnda ay
Nale nahn aqrab kehnda ay
Nale aakhe wa fianfusikum
Chad jhoth bharam di hasti noon
Kar ishaq di qaim masti noon
Gae pohnch sajan di hasti noon
Jo hoye umyun bukmun te suman
Na tera ay na mera ay
Jag faani jhagra jhera ay
Binaan murshad rehbar kehra ay
Parh fazaa karoni az kurkum
Bullah shoh eh baat ashare di
Jehnaan lag gai tangh nazare di
Das paindi ghar wanjare di
He yad allah foq ehdihim
Shahmukhi
چلو ویکھیے اس مستانڑے نوں
جیہدی ترنجناں دے وچ پئی اے دُھم
اوہ تے مے وحدت وچ رنگدا اے
نہیں پچھدا ذات دے کیہہ ہو تم
جیہدا شور چوپھیرے پیندا اے
اوہ کول تیرے نت رہندا اے
نالے تحن اقرب کہندا اے
نالے آکھے و فی انفسکم
چھڈ جھوٹھ بھرم دی بستی نوں
کر عشق دی قائم مستی نوں
گئے پہنچ سجن دی ہستی نوں
جو ہوئے عمی بکم تے صم
نہ تیرا اے نہ میرا اے
جگ فانی جھگڑا جھیڑا اے
بناں مرشد رہبر کیہڑا اے
پڑھ، فاذا کرونی از کر کم
بلھے شاہ ایہہ بات اشارے دی
جیہناں لگ گئی تانگھ نظارے دی
دس پیندی گھر ونجارے دی
ہے، ید اللہ فوق ایدیھم