Kalam e Bulleh Shah
Chup Kar Ke Karin Guzare Noon
Chup kar ke karin guzare noon
Sach sun k lok na sehnde nain
Sach aakhiye taan gal painde nain
Phir sache paas na behnde nain
Sach mitha aashiq piare noon
Chup kar ke karin guzare noon
Sach shara kare barbadi ay
Sach aashiq de ghar shadi ay
Sach kidra nawin abadi ay
Jehi sharah tareqat hare noon
Chup kar ke karin guzare noon
Chup aashiq toon na hondi ay
Jis aayi sach sogandi ay
Jis mahil sohaag di gandi ay
Chad dunia koor pasare noon
Chup kar ke karin guzare noon
Bullah shoh sach hun bole hain
Sach shara tareqat phole hain
Gal chothe pad di khole hain
Jehi shara tareqat hare noon
Chup kar ke karin guzare noon
چُپ کر کے کریں گزارے نوں
چُپ کر کے کریں گزارے نوں
سچ سن کے لوک نہ سہندے نیں
سچ آکھیے تاں گل پیندے نیں
پھر سچے پاس نہ بہندے نیں
سچ مٹھا عاشق پیارے نوں
چُپ کر کے کریں گزارے نوں
سچ شرع کرے بربادی اے
سچ عاشق دے گھر شادی اے
سچ کدرا نویں ابادی اے
جیہی شرع طریقت ہارے نوں
چُپ کر کے کریں گزارے نوں
چپ عاشق توں نہ ہوندی اے
جس آئی سچ سوگندی اے
جس ماہل سہاگ دی گندی اے
چھد دنیا کوڑ پسارے نوں
چُپ کر کے کریں گزارے نوں
بلھا شوہ سچ ہن بولے ہیں
سچ شرع طریقت پھولے ہیں
گل چوتھے پد دی کھولے ہیں
جیہی شرع طریقت ہارے نوں
چُپ کر کے کریں گزارے نوں