Kalam e Bulleh Shah
Ghungat Chak o Sajna
Ghungat chak o sajna, hun sharmaan kahnoon rakhian we
Zulf kandal ne ghera paya
Bashir ho k dang chalaya
Kar ke khoni akhian we
Ghungat chak o sajna, hun sharmaan kahnoon rakhian we
Do nainan da teer chalaya
Main aajaz de seene laya
Ghail kar ke mukh chupaya
Chorian eh kan dasian we
Ghungat chak o sajna, hun sharmaan kahnoon rakhian we
Birhon katari kas ke mari
Tad main hoyi be dil bhari
Murr na lai tain saar hamari
Patian terian kachian we
Ghungat chak o sajna, hun sharmaan kahnoon rakhian we
Nionh laga ke mann har kita
Phair na darshan dita
Zehar piala main eh pita
Saan aqloon main kachian we
Ghungat chak o sajna, hun sharmaan kahnoon rakhian we
گھنگٹ چک او سجنا
گھنگٹ چک او سجنا، ہن شرماں کاہنوں رکھیاں وے
زلف کنڈل نے گھیرا پایا
بشیر ہو کے ڈانگ چلایا
کر کے خونی اکھیاں وے
گھنگٹ چک او سجنا، ہن شرماں کاہنوں رکھیاں وے
دو نیناں دا تیر چلایا
میں عاجز دے سینے لایا
گھائل کر کے مُکھ چھپایا
چوریاں ایہہ کن دسیاں وے
گھنگٹ چک او سجنا، ہن شرماں کاہنوں رکھیاں وے
برہوں کٹاری کس کے ماری
تد میں ہوئی بے دل بھاری
مڑ نہ لئی تیں سار ہماری
پتیاں تیریاں کچیاں وے
گھنگٹ چک او سجنا، ہن شرماں کاہنوں رکھیاں وے
نیونہہ لگا کے من ہر لیتا
پھیر نہ اپنا درشن دیتا
زہر پیالہ میں ایہہ پیتا
ساں عقلوں میں کچیاں وے
گھنگٹ چک او سجنا، ہن شرماں کاہنوں رکھیاں وے