Kalam e Bulleh Shah
Jo Rang Rangia Gohra Rangia
Jo rang rangia gohra rangia, murshad wali lali o yaar
Dar maani di dhoom machi he, nainan toon ghanda thalin o yaar
Zulf siaa wich he yad baiza, oh chamkar dikhalin o yaar
Kun fayakon aawaza hoya, ditti meem wikhali o yaar
Paak Muhammad paida hoye, chodaan tabaq da wali o yaar
Alast berabikum nazal hoya, qalu bala gal dali o yaar
Soorah yaseen muzammal wala, badla kujh dawalin o yaar
sum bukm amum hoyi aan, laliyaan di laj palin o yaar
Moto qabal an yamoto, moyi noon phair jawalin o yaar
La tatharak zara likhio, dozakh kin noon dalin o yaar
Lan tanalu dilbar kolon, hatti di ramz pichanin o yaar
Okha jhira ishaqe wala, sanbhal k pair tikalin o yaar
Har she ander toon aape hain, aape dekh dikhalin o yaar
Shab e mairaj nabi ji wala, oha wasal wasalin o yaar
Ya rab khalqat paida keti, dunia khuwab khiali o yaar
Bullia shoh ghar mere aaya, kar kar nach dikhalin o yaar
Jo rang rangia gohra rangia, murshad wali lali o yaar
جو رنگ رنگیا گوہڑا رنگیا
جو رنگ رنگیا گوہڑا رنگیا، مرشد والی لالی او یار
در معانی دی دھوم مچی ہے، نیناں توں گھنڈا ٹھالیں او یار
زلف سیاہ وچ ہے ید بیضا، اوہ چمکار دکھالیں او یار
کن فیکون آوازہ ہویا، دتی میم وکھالی او یار
پاک محمد پیدا ہویا، چوداں طبق دا والی او یار
الست بربکم نازل ہویا، قالو بلی گل ڈالی او یار
کل شی کی کھیڈ مچی ہے، اپنا آپ سنبھالیں او یار
سورہ یسین مزمل والا، بدلا کجھ دوا لیں او یار
صم بکم عمی ہوئی آں، لائیاں دی لج پالیں او یار
موتو قبل ان تموتو، موئی نوں پھیر جوالیں او یار
لا تتحرک ذرہ لکھیو، دوزخ کیں نوں ڈالیں او یار
لن تنالو البر کولوں، حتی دی رمز پچھانیں او یار
اوکھا جھیڑا عشقے والا، سنبھل کے پیر ٹکالیں او یار
ہر شے اندر توں آپے ہیں، آپے دیکھ دکھالیں او یار
شب معراج نبی جی والا، اوہا وصل وصالیں او یار
یا رب خلقت پیدا کیتی، دنیا خواب خیالی او یار
بلھیا شوہ گھر میرے آیا، کر کر ناچ دکھالیں او یار
جو رنگ رنگیا گوہڑا رنگیا، مرشد والی لالی او یار