Kalam e Bulleh Shah
Kapuri Rewri Kiun Kar Lare Pitase Naal
Kapuri rewri kiun kar lare pitase naal
Teel tillan de ladu ne, jalebi pagar mangai
Dar de nathe qand shakar toon, misri naal larai
Kaan laggar noon maran lage, gadon di galh laal
Kapuri rewri kiun kar lare pitase naal
Ho fariadi lakh patian ne, lon te dastak lai
galgalian mansoba budha, papar chot chalai
Bhaidan maar palang khapae, gargaan bura ahwaal
Kapuri rewri kiun kar lare pitase naal
Gurde ladu ghusse ho k, pairian te fariadi
Barfi noon kahe daal chane di, toon hain meri bandi
Sahe shenhan te nachan lage, wadi pai dhamal
Kapuri rewri kiun kar lare pitase naal
Shakar khand kahe misri noon, meri wekh safai
Charwe, channe eh karne lage, badane naal larai
Kapuri rewri kiun kar lare pitase naal
Bullah shoh hun kia batawe, jo dasse so larda
Lat balti, gat bagti, koi nahin hath pharda
Dekho kehi qiamat aayi, aaya khar dajal
Kapuri rewri kiun kar lare pitase naal
کپوری ریوڑی کیونکر لڑے پتاسے نال
کپوری ریوڑی کیونکر لڑے پتاسے نال
تیل تلاں دے لڈو نے، جلیبی پگڑ منگائی
ڈر دے نٹھے قند شکرتوں، مصری نال لڑائی
کاں لگڑ نوں مارن لگے،گدوں دی گلھ لال
کپوری ریوڑی کیونکر لڑے پتاسے نال
ہو فریادی لکھ پتیاں نے، لون تے دستک لائی
گلگلیاں منصوبہ بدھا، پاپڑ چوٹ چلائی
بھیڈاں مار پلنگ کھپائے، گرگاں برا احوال
کپوری ریوڑی کیونکر لڑے پتاسے نال
گڑدے لڈو غصے ہوکے، پیڑیاں تے فریادی
برفی نوں کہے دال چنے دی، توں ہیں میری باندی
سہے شینہاں تے نچن لگے، وڈی پئی دھمال
کپوری ریوڑی کیونکر لڑے پتاسے نال
شکرکھنڈ کہے مصری نوں، میری ویکھ صفائی
چڑوے،چنےایہہ کرنے لگے، بدانے نال لڑائی
کپوری ریوڑی کیونکر لڑے پتاسے نال
بلھا شوہ ہن کیا بتاوے، جو دسے سو لڑدا
لت بلتی،گت بگتی، کوئی نہیں ہتھ پھڑدا
دیکھو کیہی قیامت آئی، آیا خر دجال
کپوری ریوڑی کیونکر لڑے پتاسے نال