Kalam e Bulleh Shah

کیہہ جاناں میں کوئی، وے اڑیا

کیہہ جاناں میں کوئی، وے اڑیا، کیہہ جاناں میں کوئی

جو کوئی اندر بولے چالے، ذات ساڈی سو ای
جس دے نال میں نیونہہ لگایا، اوہو کیہی ہوئی

کیہہ جاناں میں کوئی، وے اڑیا، کیہہ جاناں میں کوئی
چٹی چادر لاسٹ کڑیے، پہن فقیراں دی لوئی
چٹی چادرنوں داغ لگے گا، لوئی نوں داغ نہ کوئی

کیہہ جاناں میں کوئی، وے اڑیا، کیہہ جاناں میں کوئی
ا پچھاتا ب پچھاتی ت تلاوت ہوئی
س پچھاتا ش پچھاتا صادق صابر ہوئی

کیہہ جاناں میں کوئی، وے اڑیا، کیہہ جاناں میں کوئی
کو کو کردی قمری آہی، گل وچ طوق پیو ای
بس نہ کردی کو کو کولوں، کو کو اندر ہوئی

کیہہ جاناں میں کوئی، وے اڑیا، کیہہ جاناں میں کوئی
جو کجھ کرسی اللہ بھانا، کیا کجھ کرسی کوئی
جو کجھ لیکھ متھے دا لکھیا، میں اس تے شاکر ہوئی

کیہہ جاناں میں کوئی، وے اڑیا، کیہہ جاناں میں کوئی
عاشق بکری معشوق قصائی، میں میں کردی کوہی
جیوں جیوں میں میں بوہتا کردی ، تیوں تیوں موئی موئی

کیہہ جاناں میں کوئی، وے اڑیا، کیہہ جاناں میں کوئی
بلھا شوہ عنائت کر کے، شوق شراب دتو ای
بھلا ہویا اسی دُوروں چُٹھے، نیڑے آن لدھو ای