Kalam e Bulleh Shah
Keh Karda Beparwai Je
Keh karda beparwai je
Keh karda beparwai je
Kun keha fayakoon kahaya
batan zahar de wal dhaya
Be choni da chon bnaya
Bikhri khaid machai je
Keh karda beparwai je
Keh karda beparwai je
Sar makhfi da jis dam bola
Ghungat apne mukh se khola
Hun kiun karda sathon ohla
Haqiqat sabh wich aaii je
Keh karda beparwai je
Keh karda beparwai je
Karmna bani aadam keha
Koi na kita tere jeha
Shaan bazurgi de sang aiha
Bansri khub wajai je
Keh karda beparwai je
Keh karda beparwai je
Aape parwaiyaan karde
Apne aap se aape darde
Rahia sama wich har har ghar de
Bhali phire lokai je
Keh karda beparwai je
Keh karda beparwai je
Chetak la dewana kita
Laila ban ke majnoon mohia
Aape roya aape dhoya
Keh keti ashnai je
Keh karda beparwai je
Keh karda beparwai je
Aape hain toon sajan sayian
Aqal dalilan sabh uth gayian
Bullah shoh ne khushian layian
Hun karda kiun judai je
Keh karda beparwai je
Keh karda beparwai je
کیہہ کردا بے پروائی جے
کیہہ کردا بے پروائی جے
کیہہ کردا بے پرواہی جے
کن کہیا فیکون کہایا
باطن ظاہر دے ول دھایا
بے چونی دا چون بنایا
بکھڑی کھیڈ مچائی جے
کیہہ کردا بے پروائی جے
کیہہ کردا بے پروائی جے
سر مخفی دا جس دم بولا
گھنگٹ اپنے مُکھ سے کھولا
ہن کیوں کردا ساتھوں اوہلا
حقیقت سبھ وچ آئی جے
کیہہ کردا بے پروائی جے
کیہہ کردا بے پروائی جے
کرمنا بنی آدم کہیا
کوئی نہ کیتا تیرے جیہا
شان بزرگی دے سنگ ایہا
بنسری خوب وجائی جے
کیہہ کردا بے پروائی جے
کیہہ کردا بے پروائی جے
آپے بے پرواہیاں کردے
اپنے آپ سے آپے ڈردے
رہیا سما وچ ہر ہر گھر دے
بھلی پھرے لوکائی جے
کیہہ کردا بے پروائی جے
کیہہ کردا بے پروائی جے
چیٹک لا دیوانہ ہویا
لیلی بن کے مجنوں موہیا
آپے رویا آپے دھویا
کیہہ کیتی اشنائی جے
کیہہ کردا بے پروائی جے
کیہہ کردا بے پروائی جے
آپے ہیں توں ساجن سیاں
عقل دلیلاں سبھ اٹھ گئیاں
بلھا شوہ نے خوشیاں لئیاں
ہن کردا کیوں جدائی جے
کیہہ کردا بے پروائی جے
کیہہ کردا بے پروائی جے