Kalam e Bulleh Shah

Maae na murda ishaq diwana, shoh naal paritaan la ke
Ishaq sharra di lag pai bazi, khidan main dao laga ke

Maran boli te bol na bolan, sunnan na kan la ke
Wehre wich sheetan nachinda, es noon rakh samjha ke

Tor sharra noon jat lai bazi, phir di nak wadha ke
Main an jalli khido gachi aan, khidan main aake bake

Eh khidan hun lagdian, ghar pia de aa ke
Syiaan naal main pawan gidha, dilbar luk luk jhake

Pucho ni eh kiun sharmanda, janda na bhait bata ke
Kafir kafir aakhan menoon, sare lok suna ke

Waria kufr main dil thin, talli te sees tikka ke
Main wad bhagi maria khawand, hathin zehar pala ke

Wasal karan main naal sajan de, sharm o hia gawa ke
Wich chaman main palangh wichaya, yaar sutti gal la ke

Sarohi naal mil gai sarohi, bullah shoh noon pa ke
Maae na murrda ishaq dewana, shoh naal preetan la ke

مائے نہ مڑدا عشق دیوانہ، شوہ نال پریتاں لا کے
عشق شرع دی لگ پئی بازی، کھیڈاں میں داو لگا کے

مارن بولی تے بول نہ بولاں،سناں نہ کن لا کے
ویہڑے وچ شیطان نچیندا،اس نوں رکھ سمجھا کے

توڑ شرع نوں جت لئی بازی، پھر دی نک وڈھاکے
میں ان جانی کھیڈو گچی آں، کھیڈاں میں آکے باکے

ایہہ کھیڈاں ہن لگدیاں، گھر پیا دے آ کے
سیاں نال میں پاواں گِدھا، دلبر لُک لُک جھاکے

پچھو نی ایہہ کیوں شرماندا، جاندا نہ بھیت بتا کے
کافر کافر آکھن مینوں، سارے لوک سنا کے

واریا کفر میں دل تھیں، تلی تے سیس ٹکا کے
میں وڈ بھاگی ماریا خاوند، ہتھیں زہر پلا کے

وصل کراں میں نال سجن دے، شرم و حیا گوا کے
وچ چمن میں پلنگھ وچھایا، یا رستی گل لا کے

سروہی نال مل گئی سرو ہی بلھا شوہ نوں پاکے
مائے نہ مڑدا عشق دیوانہ، شوہ نال پریتاں لاکے

Sufi Poetry