Kalam e Bulleh Shah
Main Kamli Aan Suche Sahab De Darbaron
Main kamli aan, suche sahab de darbaron
Main kamli aan, suche sahab de darbaron
Peron nangi, saron jhandoli, saneha aaya paron
Tar mar at kujh nahin, keh lesaan sansaaron
Dheaan ki chajli, giaan ka jharu, kaam karo deh nat jharoon
Pakraan chajli, hirs udawan, chattan mal guzaron
Qazi jane, hakam jane, faar ghalti begaron
Raat dinhe main eho mangdi, door na kar darbaron
Main kamli aan, suche sahab de darbaron
Kia kamli, kia zaat kamli di, har koi sathon nasse
Kar kaar begaar arthia, jaan parsayin wasse
Keh kujh parti, laag chohri da, ghandi aor sarhana
Jo kujh ditta, aap sayin ne, so ghar le ke jana
Phata purana bhag asada bhukh, tukkar, saj, beha
Fiqqa, karaka, mangan, panan, chaal asadi eha
Rach wichore te tele kane, eh asadi karon
Main kamli aan, suche sahab de darbaron
میں کملی آں، سچے صاحب دے درباروں
میں کملی آں، سچے صاحب دے درباروں
میں کملی آں، سچے صاحب دے درباروں
پیروں ننگی، سروں جھنڈولی ،سنیہا آیا پاروں
ترمراٹ کجھ بندا ناہیں، کیہہ لیساں سنساروں
دھیان کی چھجلی، گیان کا جھاڑو، کام کرو دھ نت جھاڑوں
پکڑاں چھجلی، حرص اڈاواں، چھٹاں مالگزاروں
قاضی جانے، حاکم جانے، فار غطی بیگاروں
رات دنے میں ایہو منگدی، دُور نہ کر درباروں
میں کملی آں، سچے صاحب دے درباروں
کیا کملی ،کیا ذات کملی دی، ہر کوئی ساتھوں نسے
کر کار بیگار ارتھیا، جاں پرسائیں وسے
کیہہ کجھ پڑتی، لاگ چوہڑی دا، گھنڈی اور سرہانا
جو کجھ دتا، آپ سائیں نے، سو گھر لے کے جانا
پھٹا پرانا بھاگ اساڈا بھکھ، ٹکر، سج، بیہا
فاقہ، کڑاکا، منگن، پنن، چال اساڈی ایہا
رچھ وچھوڑ تے تیلے کانے، ایہہ اساڈی کاروں
میں کملی آں، سچے صاحب دے درباروں