Kalam e Bulleh Shah
Main Puchan Shoh Dian Waatan Ni
Main puchan shoh dian waatan ni
Main puchan shoh dian waatan ni
Koi kare assan naal baatan ni
Bhale rahe naam na japia
Ghaflat ander yaar he chupia
Oh sudh parkha tere ander wasia
Lagian nafs dian chaatan ni
Main puchan shoh dian waatan ni
Koi kare assan naal baatan ni
Jap le na ho bholi bhali
Mat toon sadin mukh mukali
Ulti parem nagar di chaal ee
Bharkan ishaq dian laatan ni
Main puchan shoh dian waatan ni
Koi kare assan naal baatan ni
Bholi na ho, ho siani
Ishaq noor da bhar le pani
Es dunia di chor kahani
Eh yaar milan dian ghaatan ni
Main puchan shoh dian waatan ni
Koi kare assan naal baatan ni
میں پچھاں شوہ دیاں واٹاں نی
میں پچھاں شوہ دیاں واٹاں نی
میں پچھاں شوہ دیاں واٹاں نی
کوئی کرے اساں نال باتاں نی
بھلے رہے نام نہ جپیا
غفلت اندر یار ہے چھپیا
اوہ سدھ پرکھا تیرے اندر وسیا
لگیاں نفس دیاں چاٹاں نی
میں پچھاں شوہ دیاں واٹاں نی
کوئی کرے اساں نال باتاں نی
جپ لے نہ ہو بھولی بھالی
مت توں سدیں مُکھ مکالی
الٹی پریم نگر دی چال ای
بھڑکن عشق دیاں لاٹاں نی
میں پچھاں شوہ دیاں واٹاں نی
کوئی کرے اساں نال باتاں نی
بھولی نہ ہو ، ہو سیانی
عشق نور دا بھر لے پانی
اس دنیا دی چھوڑ کہانی
ایہہ یار ملن دیاں گھاتاں نی
میں پچھاں شوہ دیاں واٹاں نی
کوئی کرے اساں نال باتاں نی