Kalam e Bulleh Shah
Mere Mahi Kiun Chir Laya He
Mere mahi kiun chir laya he
Mere mahi kiun chir laya he
Keh bullah hun parem kahane
Jis tan lage so tan jane
Andar jhirkaan bahar taane
Nionh la, eh sukh paya he
Mere mahi kiun chir laya he
Nainan kaar rowan di pakri
Ik marna dooja jag di phakri
Birhon jind owalli jakri
Main ro ro haal wanjaya he
Mere mahi kiun chir laya he
Main piala tehqiq kita he
Jo bhar ke mansoor pita he
Dedaar meraaj pia lita he
Main lahu thin wazu sajaya he
Mere mahi kiun chir laya he
Ishaq mullan ne bang dawai
Shoh rawan di gal sunai
Kar neyat sajde wal aai
Main monh mehraab tikaya he
Mere mahi kiun chir laya he
Bullah shoh gar lapat lagayin
Raste moo sabh ban tan aayin
Main wekhan aa aanayat saain
Jis menoon shoh milaya he
Mere mahi kiun chir laya he
میرے ماہی کیوں چر لایا ہے
میرے ماہی کیوں چر لایا ہے
میرے ماہی کیوں چر لایا ہے
کہہ بلھا ہن پریم کہانے
جس تن لاگے سو تن لاگے
اندر جھڑکاں باہر طعنے
نیونہہ لا، ایہہ سکھ پایا ہے
میرے ماہی کیوں چر لایا ہے
نیناں کار روون دی پکڑی
اک مرنا دُوجا جگ دی پھکڑی
برہوں جند اولی جکڑی
میں رو رو حال ونجایا ہے
میرے ماہی کیوں چر لایا ہے
میں پیالہ تحقیق کیتا ہے
جو بھر کے منصور پیتا ہے
دیدار معراج پیا لیتا ہے
میں لہو تھیں وضو سجایا ہے
میرے ماہی کیوں چر لایا ہے
عشق ملاں نے بانگ دوائی
شوہ راون دی گل سنائی
کر نیت سجدے ول آئی
میں مونہہ محراب ٹکایا ہے
میرے ماہی کیوں چر لایا ہے
بلھا شوہ گر لپٹ لگائیں
رستے موں سبھ بن تن آئیں
میں ویکھاں آ عنائت سائیں
جس مینوں شوہ ملایا ہے
میرے ماہی کیوں چر لایا ہے