Kalam e Bulleh Shah

 | Main Page | 

Mil Lai Sahelrio Meri Raj Gahelrio

Mil lai sahelrio, meri raj gahelrio, main sohrian ghar jana
Tussan bhi hosi allah bhana, main sohrian ghar jana

Amman babul daj jo dita, ik choli, ik channi
Daaj tenhaan da wekh ke hun main, hanju bhar bhar ranni
Ik wichora sayian da, jiwin daroon konj wachni

Rang barange sool apthe, jande cheer nain ji noon
Aithon de dukh naal lajawan, agle sonpaan kehnoon
Sas nanan rehan na milda, jana waro wari
chang changere pakar mangaae, main kehdi panhari
Jis gan palle, bol sowalle so ee shoh noon piari

Mil lai sahelrio, meri raj gahelrio, main sohrian ghar jana
Tussan bhi hosi allah bhana, main sohrian ghar jana

مل لئی سہیلڑیو، میری راج گہیلڑیو

مل لئی سہیلڑیو، میری راج گہیلڑیو، میں سوہریاں گھر جانا
تساں بھی ہوسی اللہ بھانا، میں سوہراں گھر جانا

اماں بابل داج جو دتا، اک چولی ،اک چنی
داج تنہاں دا ویکھ کے ہن میں، ہنجو بھر بھر رنی
اک وچھوڑا سیاں دا، جیویں ڈاروں کونج وچھنی

رنگ برنگے سول اپٹھے، جاندے چیر نیں جی نوں
ایتھوں دے دُکھ نال لجاواں، اگلے سونپاں کیہنوں
سس نناناں دیون طعنے، بڑی نموشی مینوں
ایتھے سانوں رہن نہ ملدا، جانا وارو واری
چنگ چنگیرے پکڑ منگائے، میں کیہدی پنہاری
جس گن پلے، بول سولے، سو ای شوہ نوں پیاری

مل لئی سہیلڑیو، میری راج گہیلڑیو، میں سوہریاں گھر جانا
تساں بھی ہوسی اللہ بھانا، میں سوہراں گھر جانا

Comments