Kalam e Bulleh Shah
Na Jewan Maharaaj Main Tere Bin
Na jewan maharaaj main tere bin na jewan
Ehnaan sakian phulan wich baas nahin
Pardais gian di koi aas nahin
Jehre sahin sajan sade paas nahin
Na jewan maharaaj main tere bin na jewan
Toon keh sunana ain chader taan ke
Sirr mot khaloti tere aan ke
Koi amal na kita jaan ke
Na jewan maharaaj main tere bin na jewan
Keh main khatia teri ho ke
Dowin nain gawae ro ke
Tera naam liye mukh dho ke
Na jewan maharaaj main tere bin na jewan
Bullah shah badesion aaonda
Hath kangna te bahin latkaonda
Sirr sadka tere naoon da
Na jewan maharaaj main tere bin na jewan
نہ جیواں مہاراج میں تیرے بن نہ جیواں
نہ جیواں مہاراج میں تیرے بن نہ جیواں
ایہناں سکیاں پھلاں وچ باس نہیں
پردیس گیاں دی کوئی کوئی آس نہیں
جیہڑے ساہیں ساجن ساڈے پاس نہیں
نہ جیواں مہاراج میں تیرے بن نہ جیواں
توں کیہہ سننا ایں چادر تان کے
سر موت کھلوتی تیرے آن کے
کوئی عمل نہ کیتا جان کے
نہ جیواں مہاراج میں تیرے بن نہ جیواں
کیہہ میں کھٹیا تیری ہوکے
دو ویں نین گوائے رو کے
تیرا نام لیے مُکھ دھو کے
نہ جیواں مہاراج میں تیرے بن نہ جیواں
بلھا شوہ بدیسوں آوندا
ہتھ کنگنا تے باہیں لٹکاوندا
سر صدقہ تیرے ناوں دا
نہ جیواں مہاراج میں تیرے بن نہ جیواں