Kalam e Bulleh Shah
Natt Parhna Ain Astaghfaar
Natt parhna ain astaghfaar
Natt parhna ain astaghfaar
Kaisi toba he eh yaar
Sanoon de ke lawin sawai
Wadhian di toon bazi laii
Muslmani eh kithon aai
Eh tere kardaar
Natt parhna ain astaghfaar
Kaisi toba he eh yaar
Jithe na jana othe jayin
Maal paraya monh dhar khayin
Koor kitaban sirr te chayin
Eh tera aitbaar
Natt parhna ain astaghfaar
Kaisi toba he eh yaar
Zaalam zulmon nahin darde
Apne amlin aape marde
Monhin toba, dilon na karde
Ethe othe howan khuwar
Natt parhna ain astaghfaar
Kaisi toba he eh yaar
So din jiwin ik din marsin
Os din khof khuda da karsin
Es toba thin toba karsin
Eh toba kis kaar
Natt parhna ain astaghfaar
Kaisi toba he eh yaar
Bullah shoh di sunno hakayat
Hadi pharia hoyi hadayat
Mera sayin shah aanayat
Oho langhawe paar
Natt parhna ain astaghfaar
Kaisi toba he eh yaar
نت پڑھنا ایں استغفار
نت پڑھنا ایں استغفار
نت پڑھنا ایں استغفار
کیسی توبہ ہے ایہہ یار
سانوں دے کے لویں سوائی
وادھیاں دی توں بازی لائی
مسلمانی ایہہ کتھوں آئی
ایہہ تیرے کردار
نت پڑھنا ایں استغفار
کیسی توبہ ہے ایہہ یار
جتھے نہ جانا اوتھے جائیں
مال پرایا مونہہ دھر کھائیں
کوڑ کتاباں سر تے چائیں
ایہہ تیرا اتبار
نت پڑھنا ایں استغفار
کیسی توبہ ہے ایہہ یار
ظالم ظلموں ناہیں ڈردے
اپنے عملیں آپے مردے
مونہیں توبہ ، دلوں نہ کردے
ایتھے اوتھے ہوون خوار
نت پڑھنا ایں استغفار
کیسی توبہ ہے ایہہ یار
سو دن جیویں اک دن مرسیں
اُس دن خوف خدا دا کرسیں
اس توبہ تھیں توبہ کرسیں
ایہہ توبہ کس کار
نت پڑھنا ایں استغفار
کیسی توبہ ہے ایہہ یار
بلھا شوہ دی سنو حکایت
ہادی پھڑیاں ہوئی ہدایت
میرا سائیں شاہ عنایت
اوہو لنگھاوے پار
نت پڑھنا ایں استغفار
کیسی توبہ ہے ایہہ یار