Kalam e Bulleh Shah
Partalio Hun Aashiq Kehre
Partalio hun aashiq kehre
Partalio hun aashiq kehre
Nionh laga mat gai gawati
Nahn aqrab zaat pichati
Sayin main bhi shah rag toon neere
Partalio hun aashiq kehre
Heere ho hun ranjha hoyi
Eh gal warla janin koii
Chak paye sabh jhagre jhere
Partalio hun aashiq kehre
Le barataan ratiin jagan
Noor nabi de barsan lagan
Oho wikh asade wehre
Partalio hun aashiq kehre
Bullah shoh shariat qazi he
Haqiqat par bhi razi he
Sayiaan ghar ghar niaoon neere
Partalio hun aashiq kehre
پڑتالیو ہن عاشق کیہڑے
پڑتالیو ہن عاشق کیہڑے
پڑتالیو ہن عاشق کیہڑے
نیونہہ لگا مت گئی گواتی
نحن اقرب ذات پچھاتی
سائیں میں بھی شاہ رگ توں نیڑے
پڑتالیو ہن عاشق کیہڑے
ہیرے ہو مڑ رانجھا ہوئی
ایہہ گل ورلا جانیں کوئی
چک پئے سبھ جھگڑے جھیڑے
پڑتالیو ہن عاشق کیہڑے
لے براتاں راتیں جاگن
نور نبی دے برسن لاگن
اوہو ویکھ اساڈے ویہڑے
پڑتالیو ہن عاشق کیہڑے
بلھا شاہ شریعت قاضی ہے
حقیقت پر بھی راضی ہے
سائیں گھر گھر نیاوں نبیڑے
پڑتالیو ہن عاشق کیہڑے