Kalam e Bulleh Shah

 | Main Page | 

Peer Parai Jar Rahi

Peer parai jar rahi, dukh rum rum jage
Be dardi bahin toh k, mur pache bhage
Bhayia we jotshia, ik sachi baat bhi kahiyo
Je main heni bhaag di, tum chup na rahiyo
Ik haneri kothri, dooja diwana baqi
Banhon phar ke le chale, koii sang na sathi
Bhaj sakkan te bhaj jaan, sach ishaq faqiri
Dolri talri chopri, gal parem zanjeri
Papi donon gum hoye, sar lagi jani
Gae aanayat qadri, main phar kathan kahani
Ik fiqraan di godri, lage parem de dhage
Sakhia howe pi sunewin, koii dukhia jage
Dast phalan di tokri, koii lio bapari
Dar dar hoka de rahi aan, sabh chalan hari

پیڑ پرائی جر رہی

پیڑ پرائی جر رہی، دکھ رُم رُم جاگے
بے دردی باہیں ٹوہ کے، مڑ پاچھے بھاگے
بھائیا وے جوتشیا، اک سچی بات بھی کہیو
جے میں ہینی بھاگ دی، تم چپ نہ رہیو
اک ہنیری کوٹھری، دوجا دیوانہ باقی
بانہوں پھڑ کے لے چلے، کوئی سنگ نہ ساتھی
بھج سکاں تے بھج جاں، سچ عشق فقیری
دولڑی تلڑی چولڑی، گل پریم زنجیری
پاپی دونوں گم ہوئے، سر لاگی جانی
گئے عنائت قادری، میں پھر کٹھن کہانی
اک فقراں دی گودڑی، لگے پریم دے دھاگے
سکھیا ہووے پی سنویں، کوئی دُکھیا جاگے
دست پھلاں دی ٹوکری، کوئی لیو بپاری
در در ہوکا دے رہی آں، سبھ چلن ہاری

Comments