Kalam e Bulleh Shah
Piaria Sanbhal ke Nionh Laga
Piaria sanbhal k nionh laga pichon pachtawin ga
Janda ja na aawein phir
Othe beparwaii dhair
Othe dihal khalonde shair
Toon bhi phadya jawin ga
Piaria sanbhal k nionh laga pichon pachtawin ga
Khoh wich yousaf payonin
Phir wich bazaar dakanein
Ik ulti mul pawayo nain
Toon kodi mal wakawiin ga
Piaria sanbhal k nionh laga pichon pachtawin ga
Ishaqe dikh zalikha he
Othe aashiq tarfan se
Januun karda he he he
Toon othon keh liawin ga
Piaria sanbhal k nionh laga pichon pachtawin ga
Iknan de post lahaide
Ik aariyan naal charaide
Ik sooli pakr charhaide
Othe toon bhi sis katawin ga
Piaria sanbhal k nionh laga pichon pachtawin ga
Ghar kala laan da tere pase
Othe aawan mast piase
Bhar bhar piwan piale kase
Toon bhi ji lalchawin ga
Piaria sanbhal k nionh laga pichon pachtawin ga
Dilbar hun giun kat lo
Bhulke keh janaan keh ho
Mastaan de na kol khalo
Toon bhi mast sadawin ga
Piaria sanbhal k nionh laga pichon pachtawin ga
پیاریا سنبھل کے نیونہہ لا پچھوں پچھتاویں گا
پیاریا سنبھل کے نیونہہ لا پچھوں پچھتاویں گا
جاندا جا نہ آویں پھیر
اوتھے بے پروائی ڈھیر
اوتھے ڈیہل کھلوندے شیر
توں بھی پھدیا جاویں گا
پیاریا سنبھل کے نیونہہ لا پچھوں پچھتاویں گا
کھوہ وچ یوسف پایونیں
پھر وچ بازار دکایونیں
اک اٹی مُل پوایو نیں
توں کوڈی مل وکاویں گا
پیاریا سنبھل کے نیونہہ لا پچھوں پچھتاویں گا
عشقے دیکھ زلیخا ہے
اوتھے عاشق تڑفن سے
جنوں کردا ہے ہے ہے
توں اوتھوں کیہہ لیاویں گا
پیاریا سنبھل کے نیونہہ لا پچھوں پچھتاویں گا
اکناں دے پوست لہائیدے
اک آریاں نال چرائیدے
اک سُولی پکڑ چڑھائیدے
اوتھے توں بھی سیس کٹاویں گا
پیاریا سنبھل کے نیونہہ لا پچھوں پچھتاویں گا
گھر کلا لاں دا تیرے پاسے
اوتھے آون مست پیاسے
بھر بھرپیون پیالے کاسے
توں بھی جی للچاویں گا
پیاریا سنبھل کے نیونہہ لا پچھوں پچھتاویں گا
دلبر ہن گیوں کت لو
بھلکے کیہہ جاناں کیہہ ہو
مستاں دے نہ کول کھلو
توں بھی مست سداویں گا
پیاریا سنبھل کے نیونہہ لا پچھوں پچھتاویں گا