Kalam e Bulleh Shah
Ranjha Jogera Ban Aaya
Ranjha jogera ban aaya
Wah sanghi saang rachaya
Ais jogi de nain katore
Bazaan wangon lainde dore
Mukh dithian dukh jawan jhore
Ehnaan akhian laal likhaya
Ranjha jogera ban aaya
Wah sanghi saang rachaya
Ais jogi di eh nishani
Kan main mundraan gal wich gani
Soorat es di yousaf sani
Ais alfon ahad banaya
Ranjha jogera ban aaya
Wah sanghi saang rachaya
Ranjha jogi te main jogiani
Ais di khatir bharsaan pani
ainwin pichli umar wahani
Os menoon hun bharmaya
Ranjha jogera ban aaya
Wah sanghi saang rachaya
Bullah shoh di eh gat pae
Peet purani shor machaye
Eh gal kikon chupe chupaye
Ni takhat hazarion dhaya
Ranjha jogera ban aaya
Wah sanghi saang rachaya
Shahmukhi
رانجھا جوگیڑا بن آیا
واہ سانگھی سانگ رچایا
ایس جوگی دے نین کٹورے
بازاں وانگوں لیندے ڈورے
مُکھ ڈٹھیاں دُکھ جاون جھورے
ایہناں اکھیاں لعل لکھایا
رانجھا جوگیڑا بن آیا
واہ سانگھی سانگ رچایا
ایس جوگی دی ایہہ نشانی
کن وچ مندراں گل وچ گانی
صورت اس دی یوسف ثانی
اس الفوں احد بنایا
رانجھا جوگیڑا بن آیا
واہ سانگھی سانگ رچایا
رانجھا جوگی تے میں جوگیانی
اس دی خاطر بھرساں پانی
اینویں پچھلی عمر وہانی
اُس مینوں ہن بھرمایا
رانجھا جوگیڑا بن آیا
واہ سانگھی سانگ رچایا
بلھا شوہ دی ایہہ گت پائے
پیت پرانی شور مچائے
ایہہ گل کیکوں چھپے چھپائے
نی تخت ہزاریوں دھایا
رانجھا جوگیڑا بن آیا
واہ سانگھی سانگ رچایا