Kalam e Bulleh Shah
Roze Haj Namaz Ni Maae
Roze haj namaz ni maae
menoon pia ne aan bhulaae
Jaan pia dian khabran payian
Mantaq nahw sabhe bhul gayian
Es anhad taar bajaae
Roze haj namaz ni maae
menoon pia ne aan bhulaae
Jaan pia mere ghar aaya
Bhali menoon sharah waqaya
Har mazhar wich oha disda
Ander bahar jalwa jis da
Lokaan khabar na kaae
Roze haj namaz ni maae
Menoon pia ne aan bhulaae
روزے حج نماز نی مائے
روزے حج نماز نی مائے
مینوں پیا نے آن بھلائے
جاں پیا دیاں خبراں پئیاں
منطق نحو سبھے بُھل گئیاں
اس انہد تار بجائے
روزے حج نماز نی مائے
مینوں پیا نے آن بھلائے
جاں پیا میرے گھر آیا
بھلی مینوں شرع وقایہ
ہر مظہر وچ اوہا دسدا
اندر باہر جلوہ جس دا
لوکاں خبر نہ کائے
روزے حج نماز نی مائے
مینوں پیا نے آن بھلائے