Kalam e Bulleh Shah
Sajnaan De Wichore Kolon
Sajnaan de wichore kolon, tan da lahu chanida
Dukhan sulaan kita aika
Na koi sohra na koii pika
Dard wahoni pai dar tere
Toon hain dard ranjanida
Sajnaan de wichore kolon, tan da lahu chanida
Kadh kalija karni haan beree
Eh bhi nahin he laiq tere
Hor tofiq nahin wich mere
Pio katora pani da
Sajnaan de wichore kolon, tan da lahu chanida
Hun kiun ronde nain narase
Aape orak phahi phase
Hun taan chutan okha hoya
Chara nahin he chari da
Sajnaan de wichore kolon, tan da lahu chanida
Bullah shoh pia hun gajje
Ishaq damame sir te wajje
Char wehare goil wasa
Orak kooch naqare da
Sajnaan de wichore kolon, tan da lahu chanida
سجناں دے وچھوڑے کولوں
سجناں دے وچھوڑے کولوں، تن دا لہوچھانیدا
دُکھاں سُولاں کیتا ایکا
نہ کوئی سوہرا نہ کوئی پیکا
درد وہونی پئی در تیرے
توں ہیں درد رنجانیدا
سجناں دے وچھوڑے کولوں، تن دا لہوچھانیدا
کڈھ کلیجہ کرنی ہاں بیرے
ایہہ بھی نہیں ہے لائق تیرے
ہور توفیق نہیں وچ میرے
پیو کٹورا پانی دا
سجناں دے وچھوڑے کولوں، تن دا لہوچھانیدا
ہن کیوں روندے نین نراسے
آپے اوڑک پھاہی پھاسے
ہن تاں چھٹن اوکھا ہویا
چارہ نہیں بے چاری دا
سجناں دے وچھوڑے کولوں، تن دا لہوچھانیدا
بلھا شوہ پیا ہن گجے
عشق دمامے سر تے وجے
چارویہاڑے گویل واسا
اوڑک کوچ نقارے دا
سجناں دے وچھوڑے کولوں، تن دا لہوچھانیدا