Kalam e Bulleh Shah
Tussi Aao Milo Meri Piari
Tussi aao milo meri piari
Mere Turne di hoi tiari
Sabhe ral ke toran aaiyaan
Masiaan, phopiaan, chaciaan, taiyaan
Sabhe rondiyaan zaro zari
Mere turne di hoi tiari
Sabhe aakhan eh gal janin
Ho rehwin toon har dam namanin
Tad lagin gi othe piari
Mere turne di hoi tiari
Sabhe tor gharaan noon muriyaan
Main ho ik akalri tariyaan
Hoii aan daroon konj niari
Mere turne di hoii tiari
Bullah shoh mere ghar aawe
Main kachjhi noon le gal lawe
Os shoh di he baat niari
Mere turne di hoi tiari
تسی آو ملو میری پیاری
تسی آو ملو میری پیاری
میرے ٹرنے دی ہوئی تیاری
سبھے رل کے ٹورن آئیاں
ماسیاں، پھوپھیاں، چاچیاں تائیاں
سبھے روندیاں زارو زاری
میرے ٹرنے دی ہوئی تیاری
سبھے آکھن ایہہ گل جانیں
ہو رہویں توں ہر دم نمانیں
تد لگیں گی اوتھے پیاری
میرے ٹرنے دی ہوئی تیاری
سبھے ٹور گھراں نوں مڑیاں
میں ہو اک اکلڑی ٹریاں
ہوئی آں ڈاروں کونج نیاری
میرے ٹرنے دی ہوئی تیاری
بلھا شوہ میرے گھر آوے
میں کچجحی نوں لے گل لاوے
اُس شوہ دی ہے بات نیاری
میرے ٹرنے دی ہوئی تیاری