Kalam e Shah Hussain
Aakhir PichtasiN Kuriye
Aakhir pichtasiN kuriye, uth hun dhol mana le ni
Sohe saade laal baane, kar le kuriye mann de bhaane
Ik ghari shoh mool na bhaane, jasan rang wataae
Kithe ni tere naal de hani, kalar vich sabh jaae samani
Kithe ee teri oh jawani, kithe teri hussan hawaae
Kithe ni tere turki wo tazi, sayiN bin sabh koori bazi
Kithe ni, tera soina roopa, hoye khaak sawaahe
Kithe ni tere mank moti, wekh oh teri janj khiloti
Kahe Hussain faqeer namana, po sayiN de raahe
Shahmukhi
آخر پچھوتاسیں کڑیئے، اُٹھ ہن ڈھول منالے نی
سوہے سادے لال بانے، کرلے کڑیئے من دے بھانے
اک گھڑی شوہ مول نہ بھانے، جاسن رنگ وٹائے
کتھے نی تیرے نال دے ہانی، کلر وچ سبھ جائے سمانی
کتھے ای تیری اوہ جوانی، کتھے تیری حسن ہوائے
کتھے نی تیرے ترکی و تازی، سائیں بن سبھ کوڑی بازی
کتھے نی، تیرا سوئنا رپا، ہوئے خاک سوا ہے
کتھے نی تیرے مانک موتی، ویکھ اوہ تیری جنج کھلوتی
کہے حسین فقیر نمانا، پوسائیں دے راہے