Kalam e Shah Hussain
AssaN Kitt Ko Shekh Sadaona
AssaN kitt ko shekh sadaona, ghar bethiaN mangal gaaona
Assan tukkar mang khaona, assan eho kam kamaona
Ishaq faqeeraN da tohni ik wast aguchar johni
Assan har dum Rub dheaaona
AssaN hor na kisse aakhna, assan naam sayiN da bhakna
Ik takia tera rakhna, assaN mann apna samjhaona
AssaN ander bahar laal he, assaN murshad naal piaar he
AssaN eho wanj wehaar he, assaN rul mil jhurmat paaona
Pothi khol wekha bhaai bahmna, piara kadoN milsi sahmna
Bin, kahe, bela sabh phelia, dard mahi da dar dar hilia
Jhak rahiaN ni ishaq palahmna
Wekho kede main pare pardi, main langhdi te naag litaar di
SatiaN shenhaN nooN natt ulanghna
Meri jind ute dil hor ee, menooN rog na honda ko sahiH
Nitt uth bele wal taranghna
Nitt Shah Hussain pukaar da, sayiN talib tere deedar da
Ik tak assaN wal jhankna
Shahmukhi
اساں کت کو شیخ سداونا، گھر بیٹھیاں منگل گاوَنا
اساں ٹکر منگ کھاوَنا، اساں ایہو کم کماوَنا
عشق فقیراں دا ٹوہنی اک وست اگوچر جوہنی
اساں ہردم رب دھیاوَنا
اساں ہور نہ کسے آکھنا، اساں نام سائیں دا بھاکھنا
اک تکیا تیرا راکھنا، اساں من اپنا سمجھاوَنا
اساں اندر باہر لال ہے، اساں مرشد نال پیار ہے
اساں ایہو ونج وپارہے، اساں رل مل جھرمٹ پاوَنا
پوتھی کھول وکھا بھائی باہمنا، پیارا کدوں ملیسی ساہمنا
بن، کاہے، بیلا سبھ پھیلیا، درد ماہی دا در در ہلیا
جھک رہیاں نی عشق پلاہمنا
ویکھو کیڈے میں پاڑے پاڑدی، میں لنگھدی تے ناگ لتاڑ دی
ستیاں شینہاں نوں نت اُلانگھنا
میری جند اُتے دل ہورای، مینوں روگ نہ ہوندا کو صحیح
نت اٹھ بیلے ول ترانگھنا
نت شاہ حسین پکاردا، سائیں طالب تیرے دیداردا
اک ٹک اساں ول جھانکنا