Kalam e Shah Hussain
BuriaN BuriaN BuriaN We
BuriaN buriaN buriaN we assiN buriaN we loka
BuriaN kol na baho we
TeeraN te talwaraN koloN, tikhiaN birhoN diaN chariaN we loka
Lad sajjan pardais sidhae, assiN wadya kar ke muriaN we loka
Je tooN takhat hazare da sayiN, assiN sialaN diaN kuriaN we loka
Sanjh paat kahoN sooN nahiN, sajan khojan assiN turiaN we loka
JehnaN sayiN da naoN na latta, orak noon oh jhariaN we loka
AssaN ogan hariaN jehe, kehe Hussain faqeer sayiN da
Sahab sioN assiN juriaN we loka
Shahmukhi
بُریاں، بُریاں، بُریاں وے اسیں بُریاں وے لوکا
بُریاں کول نہ بہو وے
تیراں تے تلواراں کولوں، تکھیاں برہوں دیاں چھڑیاں وے لوکا
لد سجن پردیس سدھائے، اسیں ودیاع کر کے مڑیاں وے لوکا
جے توں تخت ہزارے دا سائیں، اسیں سیالاں دیاں کڑیاں وے لوکا
سانجھ پات کاہوں سوں ناہیں، ساجن کھوجن اسیں ٹریاں وے لوکا
جیہناں سائیں دا ناوَں نہ لتا، اوڑک نوں اوہ جھریاں وے لوکا
اساں اوگن ہاریاں جیہے، کیہے حسین فقیر سائیں دا
صاحب سیوں اسیں جڑیاں وے لوکا
greatest message of love for the whole man kind.