Kalam e Shah Hussain

 | Main Page | 

JaaN JiwaiN TaaN Darda Raho Wo

JaaN jiwaiN taaN darda raho wo

Aashiq kare ishaq hazari, sehal nahiN othe lawan yaari
Wo arak wachera nari, kadh na gardan sidha ho wo

NeneiN sirr te naaoN dharawan, baldi aatish nooN hath pawan
AahiN kadhan, te kook sunawan, gal na tenoN bandi ho wo
Dar meedan muhabbat jati, sehal nahiN othe pawan jhati
Jain te birhoN waga we kati, madh kaleje de ander dho wo

Asli ishaq mitraN da eha, pehle maar mukawan deha
Sehal nahiN othe lawan neha, je laai otaN kisse na kaho wo

Tu bajhoN sabh jhoti bazi, koori dunya phire ghamazi
NahoN haqiqat ghan majazi, dowaiN gallaN satt na baho wo

Kahe Hussain faqeer gadaai, dum na mare beparwai
So janiN jin aape lai, oh wekh janji aaye ho wo

جاں جیویں تاں ڈردا رہووو

جاں جیویں تاں ڈردا رہووو

عاشق کرے عشق ہزاری، سہل نہیں اوتھے لاون یاری
وو اڑک وچھیڑا ناری، کڈھ نہ گردن سدھا ہو، وو

نینہیں سر تے ناوں دھراون، بلدی آتش نوں ہتھ پاون
آہیں کڈھن، تے کوک سناون، گل نہ تینوں بندی ہو وو

درمیدان محبت جاتی، سہل نہیں اوتھے پاون جھاتی
جیں تے برہوں وگا وےکاتی، مڈھ کلیجے دے اندر ڈھو وو

اصلی عشق متراں دا ایہا، پہلے مار مکاون دیہا
سہل نہیں اوتھے لاون نیہا، جے لائی اوتاں کسے نہ کہو، وو

تو باجھوں سبھ جھوٹی بازی، کوڑی دنیا پھرے غمازی
نہوں حقیقت گھن مجازی، دوویں گلاں سٹ نہ بہو، وو

کہے حسین فقیر گدائی، دم نہ مارے بے پروائی
سو جانیں جن آپے لائی، اوہ ویکھ جانجی آئے ہو، وو

Comments