Kalam e Shah Hussain
MitraN Di Majmani Karan Dil Da Lohu Chani Da
MitraN di majmani karaN dil da lohu chani da
Kadd kalija kita bere, so bhi hain nalaiq tere
Hor tofiq nahiN kujh mere, ik katora pani da
Seej sutti neneeN nend na aawe, zalam birhoN aan satawe
LikhaN kitab, bheja dar tere, dil da harf pichani da
RatiN dard te deheiN dar mati, hun nenaaN di lai aa kati
Kadi te mor le paao jhati, wekho haal namani da
JioN bhawe, tioN kar piara, ehnaaN lagiaN da panth niara
RatiN deheiN dheaan tumhara, jioN bhawe tioN tari da
Tere karan main phiraN aazadi, jangal dhondya main peer piadi
Ro ro nain karan faryadi, keha dos namani da
DukhaN soolaN ral aika kita, na koi sohra, na koi peeka
Aas rahi hun teri aika, pala pakar ayani da
Kahe Hussain faqeer karari, dard di chaal niari
Eha dedan main tann bhari, agge sach pichani da
متراں دی مجمانی کارن دل دا لوہو چھانی دا
متراں دی مجمانی کارن دل دا لوہو چھانی دا
کڈ کلیجہ کیتا بیرے، سو بھی ہیں نالائق تیرے
ہور توفیق نہیں کجھ میرے، اک کٹورا پانی دا
سیج ستی نینیں نیند نہ آوے، ظالم برہوں آن ستاوے
لکھاں کتاب، بھیجا در تیرے، دل دا حرف پچھانی دا
راتیں درد دیہیں درماتی، ہن نیناں دی لائی آ کاتی
کدی تے موڑ لے پاووجھاتی، ویکھو حال نمانی دا
جیویں بھاوے، تیویں کر پیارا، ایہناں لگیاں دا پنتھ نیارا
راتیں دیہیں دھیان تمہارا، جیوں بھاوے تیوں تاری دا
تیرے کارن میں پھراں آزادی، جنگل ڈھونڈیا میں پیر پیادی
رو رو نین کرن فریادی، کیہا دوس نمانی دا
دُکھاں سُولاں رل ایکا کیتا، نہ کوئی سوہرا، نہ کوئی پیکا
آس رہی ہن تیری ایکا، پلا پکڑ ایانی دا
کہے حسین فقیر کراری، درد ونداں دی چال نیاری
ایہا دیدن میں تن بھاری، اگے سچ پچھانی دا